حلوة بشكولات

السلام عليكم اخواتي
اليوم طلبت مني الوالدة نجيها لدار باش نحضر معاها حلويات و طلبت مني تكون الحلويات بسيطة
فكرت مليح و اختاريت حلوة الفرماج و السابلي

باسم الله نبداو
اولا حلوة الفرماج غيرتلها الشكل تاعها و الديكور ----مبدعة هههههههههه
المقادير
500 غ زبدة - 12 فرماجة -6 معالق كبار سكر ناعم - 2 خميرة الحلوة - دقيق للعجن

خلطت المقادير مع بعضها سمحولي ما صورتهمش و الطريقة واضحة بالصور

تحصلت على عجينة متماسكة

سرحتها

قطعتها قلوب

درتهم في لاطة و طيبتهم

من باعد ما طابو دوبت الشكلاط في حمام مريم مع شوية زبدة

عملت الوجه تاع القلوب في الشكلاط

حطيت فوقهم شوية شكلاط ابيض مدوب و هذا شكلهم

الحلوة الثانية سابلي بمداق الحامض
المقادير
500 غ زبدةمدوبة شوية - كاس سكر سنيدة - كاس نشاء -5 بيضات - 2 خمارة الحلوة - مبشور 2تاع الحامض -عصير حامضة - دقيق للعجن

نبداو خلطنا المقادير

تحصلت على عجينة

الباقي موضح بالصور

لصقت كل اثنين و لي فوق عملت عليها المعجون و شوية كاوكاو مهرمش
و في الوسط المعجون و الملون الاحمر و شوية ماء زهر

و هذا الشكل النهائي

بصحتكم